بدرية .....واخوها طلق.....

[color=seagreen][size=24][u]

[size=16]بدرية .....واخوها طلق ......لعبدالكريم مهنا[color]

[size=16]الله خَلَق ... والله فَرَق

هذيك بنت ... وذيك بنت
ماهم مثل بَعض البنات
والله يا بدرية قلق
تلبس خَلَق ... واذانها فيها حَلق
ودايم هواش مع امها وخواتها ... وحتى مع اخوها " طَلَـق "
وكل السوالف معها حَش
اسمع ومَش ... وقل يالطيف
اسبوع يقضي ماخذت بدرية دش
ولا رَتبت اوضاعها
وشوشتها دايم طايره ...!!
وحتى ملابسها تفوح من العَرق
وفي ثوبها بقعة مرق
اما الاظافر اووووف اوووف ... الله يعين اللي يشوف
اإظفر طوووويل
واظفر قصير
واللي انكسر نصه وهي تسوي عصير
واللي تحَته كومة سواد
و روجها من " ابو ريالين " ذاك المتين
اللي اذا شمه احد كح" ... وشَرق "
والغرفة حوسة يالطيف
مليانة خلقان ... و ورق
وجزمة هنا ... وجزمة هناك ...
وبلوزة من تحت السرير ... وعباتها تحت الحصير
ودايم كذا

على أُمها شَر وأذى
تصحى وتنام ... والجِير في فمها رُكام
وهواشها ما ينتهي ... ياصل لـ " حي أُم الحَمام "
وياصل إلى جيرانها
فِعلاً قلق
دايم صراخ ...
واحيان تاصل لليدين مع اختها
واحيان حتى لـ أُمها ... وتقول سموني الـ مَها ...!!
أُما المها ...؟!
والله قوية حيل ...
وابوها راكبته ديوووووون
وطايح مريض
يقول صابتني العيون
من الهم ذابحة الـ " تِتن " ماله سنون
من عقب صالات البنوك صفى ع الباب ... كنه ذباب ...
شيّب وهو توه شباب ... مفلس ... وداَج
دفن قريشاته بـ أنعام مابين خرفان ونِعاج
والنصف الآخر في زجاج
و صحى ونام ولقى قريشاته مثل طير الحمام
كفخوا جميع ... صاروا " غبارٍ في عَجَاج "
وفجأة " قضى "

وبدى مثل شمعة يموع ... ويموت جوع
وسكن بمنفوحة واخذ " شقة ايجار "
المغسلة عنهم يمين و ورشة حدادة من يسار
ما فيه جار
والصالة قاسمها بشرشف ...
ما عندهم حتى جدار
وماهوب فاضي يشوف بنته
ومن فوق مالدنيا على ابوها جمر ... بدرية زادتها خراب
وهذي حالتهم جميع ... هم ... والم
وبدرية بنته شي غير
أُم القلق
دايم هواش وإلا كذب
واذا جلست على الجهاز
ثم فتحت ذاك المسن ... كلش تغير يالطيف
خذ يا بكش
وخذ يا كلام ... وبدت ارانبها تناتق من كل باب
تقول بدرية انا اسمى " مرام "
وأُمي تدلعني " هيام "
وشِلتي من كثر ما فيني حلا صاروا يسموني " غرام "
ولو شفتني " ..والله ينا جرح ...وخقق "
اسكن بـ جنب المملكة بـ حي الـ ورود
وقبل سنة معي همر ... طعست به فوق النفود ... لكن احسه مو حلو
يلبق لأخوي
ولادي حيل ... عطيته انا اخوي الوليد " مع ان اخوها اسمه طلق "
والـ والد اهداني شَبح اسود ... جديد
وسواقنا عبدالودود
توّه شباب ... ومرة وسيم
عن شاريخان مافيه زود
وابوي رجل اعمال لو قلت لك اسمه عرفته على طول
مرة كبير
وانا مخطوبة من امير ... توه شباب ... ولد صغير
واختي عهود متملكة بـ واحد وزير
والله يا بدرية خبال
واللي يحادثها خَبَل
تبكش عليه وهو حمار
واللي تقول يصدقه
واللي مخربها بعد تسولف معه وتقول " هاي "
وتسوي ضحكتها كذا " ههههه " وتقول " كووووول "
واحيان تكتب " وهـ بس " واحيان " لوووووووول "
و " ولكمووو " و " يب " و " نب "
وهو لها مثل الـ " ذَنَب "
جرباء وهو كله جَرَب
لاهوبيدري وش تقول
وهي ما تدري وش تقول
جمعهم الله هالـ كَرَب
ياربي وش ذيك العقول
وتقول انا بنيّة " كيوت " ومرة " عليك انا اموت "
ومن جد " عسولة انا "
و " يسلموووووو "

و" برب لحظة ياغلاي " بـ اطلع من الصالة واروح لغرفتي ... عندي جناح
وهم بـ شقة غرفتين ... وصالة قسمها السيد الوالد غرفتين
وكل ماخذت تقول " تيت " وبعدين جيت
واذا رجعت تقول " باك "
وخذ هالكلام
وهي شهباء
من شافها قال تهباء
تكذب كثير ... ومزاعلة حتى أُمها ... واخلاقها مرة دمار
وفيها غباء
واللي يحادثها بعد كنه حمار
وان قال وينك امس ...؟!
جَرَت له خراط
مرة اسوي مونوكير ... ومرات اسوي بودي كير
وقصات شعر
واحيان اسوي لي " شوبِنق "
وموضة ملابس ... مع عطور
عن جد تعبانة كثير
لكن حياتي جت كذا
الله كتبنا اغنياء ... واهل مقام ...
يا شينها لاجابتك بدرية من فوق لـ تحت
تسحبك سَحب بـ خشتك
وآخرها تلقاها " خمام "

هذا غرام اهل المسِن ... ملعون ابو جَدّه غَرام

" ملطــوشـه لعيــونــكــم .."

حشااااااااااا على الاقل رد

مريتوا عليها ولاحتى كلمة ماليكم مزاج تكتبوا حطوا ابتسامة
ترة الابتسامة في وجه المسلم صدقة

كسرتي بخاطري الصراحه

ولا يهمك احط لك ابتسامه احنا

كم الورده عندنا

هههههههههههههه

الموووهم تسلمي ياقلبي على الموضوع الختييير

يعطيك ربي الف عاااافيه

في انتظار جديدك دائما

تقبلي مروري

عشوووقه

هلاوغلا
اختي عشوووقة انتي كذا
اشكر تواجدك العطر في صفحتي
لاخلاولاعدم

هاش-هدي-ابتسامه
يلاواجد-عليش
ههههههههههههه
تثلم-اناملش

هلاوغلا
اختي صدى الروح
اشكر تواجدك العطر في صفحتي
لاخلاولاعدم